ЎҚУВЧИЛАР ВА ОТА-ОНАЛАРНИНГ СОҒЛОМ ОВҚАТЛАНИШ ҲАҚИДАГИ БИЛИМ ДАРАЖАСИ
DOI:
https://doi.org/10.62209/sewphc/art50128Калит сўзлар:
соғлом овқатланиш, хабардорлик, кўникмалар, овқатланиш одатлари, умумтаълим муассасалари, ота-оналар, ўқувчиларАннотация
Мақолада мактаб ўқувчилари ва ота-оналарнинг соғлом овқатланиш тамойиллари тўғрисида билим даражасини баҳолаш келтирилган. Ушбу тадқиқотнинг долзарблиги ўқувчилар ўртасида нотўғри овқатланиш ҳолатларининг кўплиги ва ота-оналар билим даражасининг пастлиги билан боғлиқ. Тадқиқот мақсади: ўқувчилар ва ота-оналар орасида соғлом овқатланишнинг асосий тамойиллари ҳақидаги билим даражасини аниқлаш. Тадқиқот материаллари ва усуллари: Тошкент шаҳридаги умумтаълим мактабларининг 335 нафар ўқувчилари, шунингдек, ота-оналар ўртасида махсус ишлаб чиқилган анкетадан фойдаланган ҳолда суҳбатлар ўтказилди. Олинган натижалар: мактаб ошхонасида турли шаклда ташкил этилган ўқувчилар ва ота-оналар орасида соғлом овқатланишнинг асосий тамойиллари тўғрисида билим даражаси қиёсий баҳоланди: иссиқ овқат ташкил этилган умумтаълим мактаб ўқувчилари ва ота-оналар ўртасида билим даражаси юқорилиги аниқланди; ота-оналарнинг соғлом овқатланиш ҳақидаги билим даражаси ва ўқувчиларда соғлом овқатланиш одатларини ривожлантириш иссиқ овқат ташкил этилган умумтаълим мактабини танлаш билан боғлиқлиги аниқланди; ота-оналар ва ўқувчиларнинг соғлом овқатланиш асослари бўйича билим даражасини ошириш зарурати қайд этилди; ўқув жараёнининг барча манфаатдор томонларини (тиббиёт ходимлари, ўқитувчилар, ота-оналар ва ўқувчилар) жалб қилинган ҳолда кенг кўламли профилактика ишларини олиб бориш учун ишлаб чиқилган ва тасдиқланган ўқув дастуридан фойдаланиш тавсия этилади. Хулоса: ота-оналар ва ўқувчилар ўртасида соғлом овқатланиш бўйича билим ва кўникмаларни оширишга катта эҳтиёж бор. Тиббиёт ходимлари, ўқитувчилар, ота-оналар ва ўқувчилар ўртасида соғлом овқатланиш одатларини шакллантириш учун мунтазам равишда машғулотлар ўтказилиши керак.
Юклаб олишлар
Нашр қилинган
Мақоладан иқтибос келтириш
Сон
Бўлим
Лицензия
Муаллифлик ҳуқуқи (c) 2024 Ўзбекистон Республикаси Санитария-эпидемиология ва жамоат саломатлиги хизмати журнали

Ушбу материал қуйидаги лицензия асосида тарқатилади: Creative Commons Attribution-NonCommercial 4.0 International License.