SIFATNI TASHQI BAHOLASH - BAKTERIOLOGIK LABORATORIYALARDA SIFATNI BOSHQARISH TIZIMI

Аннотация

Laboratoriya diagnostikasida sifatni ta’minlash masalalari dunyo bo‘ylab dolzarb muammolar hisoblanadi. Sifatni nazorat qilish tizimi laboratoriya tadqiqotlarining barcha bosqichlarini standartlashtirish va laboratoriya sifatini ichki nazorat qilish va sifatni tashqi baholash natijalarini tahlil qilish tamoyillariga asoslanadi. Kasallikning oldini olish, nazorat qilish, parvarish qilish va davolashda ushbu komponentlar birgalikda qo‘llanilganda, tadqiqot sifatini va shunga mos ravishda sog‘liqni saqlash ko‘rsatkichlarini maksimal darajada oshirishi mumkin. Sifatni tashqi baholash (STB) atamasi laboratoriyadan tashqarida yoki individual foydalanuvchi tomonidan o‘tkazilgan tadqiqotlar bilan solishtirish imkonini beruvchi usul/jarayonni tavsiflash uchun ishlatiladi. Ko‘p rivojlangan mamlakatlarda sifatni tashqi baholash dasturlari yaxshi yo‘lga qo‘yilgan va asosan sog‘liqni saqlash tizimlari barcha darajadagi tibbiy yordam sifatini oshirishga hissa qo‘shishga yordam beradi.